Fireman agiye gufungwa iminsi 30 y’agateganyo.

Fireman agiye gufungwa iminsi 30 y’agateganyo.

Umuhanzi Uwimana Francis wamamaye nka Fireman yakatiwe igifungo cy’iminsi 30 y’agatenyo n’urukiko rwa Gisikare aho akurikiranyweho icyaha cy’ubufatanyacyaha mu gukubita gukomeretsa yakoze ubwo yari Iwawa.

Uru rubanza rwasomwe kuri uyu wa Mbere tariki 04 Mutarama 2020 i Nyamirambo, aho Fireman n’uwo bareganwa Cpl Murwanashyaka Modeste bari mu rukiko ariko ababunganira badahari.

Umucamanza amaze gusoma umwirondoro wabo bombi yasomye umwanzuro w’urubanza, yemeza Fireman na Cpl Murwanashyaka Modeste bafungwa iminsi 30 y’agateganyo kuko hari impamvu zikomeye zituma bakurikiranwaho iki cyaha.

Bamenyeshejwe ko bemerewe kujurira mu gihe cy’iminsi itanu uhereye igihe urubanza rwasomewe.

Umuhanzi Jay C wari wemeye gutanga ingwate y’ikibanza kugira ngo Fireman aburane ari hanze yayisubijwe kuko ubusabe bwabo butemewe n’urukiko.

Fireman yari yaburanye ku ifungwa n’ifungura tariki 31/12/2019 yunganiwe na Maitre Mbarushimana Dimitrie.

Ubushinjacyaha bwa Gisirikare bumushinja ko mu bihe bitandukanye we na Cpl Murwanashyaka Modeste bakubise bamwe mu banyeshuri bagorerwaga Iwawa bakabakomeretsa.

Fireman wari ushizwe umutekano [RP] ashinjwa gukubita uwitwa Gisubizo Fabien akavunika aho yari afatanyije na Cpl Murwanashyaka Modeste. Ashinjwa kandi gukubita uwitwa Nkurikiyumuzika Vedaste akamuvuna akaboko.

Mu iburana ku ifungwa n’ifungura abaregwa bose bahakanye ibi byaha bashinjywa. 

Source: INYARWANDA.COM

Murakoze gutanga igitekerezo cyanyu!